Tálbeitur ?

Ég fyllist alltaf vissri tortryggni þegar talað er um tálbeitur, vegna þess að það er viss hætta á því að þær séu notaðar á glannalegan hátt og búa til glæp sem hefði aldrei átt sér stað. Maður getur ímyndað sér að það yrði þrýstingur á lögregluna að ná árangri sem gæti ýtt þeim áfram auk þess sem tálbeitan getur verið að hegða sér á svo óraunverulegan hátt að, að það myndi aldrei ske í raunveruleikanum og menn tældir til glæpa.

Var eitt sinn á horfa á ameríska raunveruleikaþáttinn Cops, þar var tálbeitum beitt meðal annars lögreglukona sem var klædd eins og vændiskona og reyndi að fá viðskipti. Einn maður labbaði fram hjá henni og hún reyndi að tala við hann, hann veiti henni enga athygli og fór fram hjá, þá elti hún hann og reif í hann og þröngvaði sér að honum fór að tala við hann, hann var alltaf jafn óhress á svipinn og vildi komast í burtu en vildi greinilega ekki vera dónalegur og var að reyna losna við hana. Svo þegar hún hélt áfram og áfram að tuða í honum. Þá spurði hann hvað kostar svo eitt skipti, þá var öskrað " Freeze its the police you are under arrest ogfrv.)

Mannréttindadómstóll Evrópu virðist vera haldinn svipaðri tortryggni og ég því hann hefur ályktað gegn notkun tálbeitna.

Athugasemdir

[Ólafur Hannesson (IP-tala skráð) 30.11.2007 kl. 11:36]

Já þetta er varasöm leið að fara. Þetta er tálbeita og gætu sumir reynt að taka orðið of bókstaflega, og hreinlega reynt að veiða fólk í gildruna, fólk sem ætlaði sér ekki að fremja neinn glæp. Það er spurning, eykur svona glæpatíðni?  vonum að það verði farið með gát hvað þetta varðar.  Hvernig er það annars, þegar er misskilningur í loftinu, verða tálbeiturnar ekki líka að fá skýr svör um einbeittan brotavilja. Spurning hvort að þeir myndu gera það.

mbk

Óli

[Ólafur Jónsson, 30.11.2007 kl. 11:58]

Já það er alltaf viss hætta, þegar kappsemin verður of mikil og menn ætla sér að góma einhvern.

Til þess að beitan virki hjóta menn alltaf að reyna krydda hana þangað til einvher bítur á, eða eins og í dæminu sem ég nefndi þar sem maður sem labbaði fram hjá vændiskonu (löggunn) þar átti að stoppa, hann hafði ekki áhuga en var eltur uppi og endaði með dóm á bakinu. Bandaríkjamenn eru komnir út í svolítlar öfgar hvað þetta varðar, en mér sýnist eindreginn vilji til að elta þá uppi í vitleysunni hér á landi. Því miður

Kveðja Ólafur

[Laganeminn (IP-tala skráð) 30.11.2007 kl. 14:55]

Smá komment hérna,

þetta er góður punktur en ég fór að hugsa í sambandi við það sem það sem þú segir um MDE, nú vinnur Europol undir honum og þeir hafa einmitt stundað það að búa til barnaklámsíður og setja á netið.  Þar er að finna sýnishorn af b.klámi og svo er mönnum boðið að kaupa aðgang.  Þegar þeir svo gera það þá er IP tölunni hjá þeim læst og handtökuskipun gefin út ásamt ákæru.

Nú er ég síðasti maðurinn á þessari jörð til að mæla slíkum mönnum bót en þetta er orðið nokkuð nálægt því sem löggan í Cops var að gera.  Auðvitað er hægt að segja að viðkomandi hefði sýnt brotavilja með því að ,,sign-a" fyrir áskrift, en þá má nota alveg sömu rökfærslu hjá lögreglunni í BNA.

Annars finnst mér í þessum málum eins og mörgum öðrum að það eigi fyrst og fremst að ráðast á framboðið en ekki eftirspurnina.  Sú hugmyndafræði að ef þú eyðir eftirspurninni þá er fellur framboðið um sjálft sig gengur ekki upp og hefur það marg sýnt sig með allt sem er bannað að selja og kaupa.

Það er vænlegra til árangurs að reyna að skera á framboðið. 

[Ólafur Jónsson, 30.11.2007 kl. 15:17]

MDE gera víst greinamun á virkum og óvirkum tálbeitum. Virk tálbeita myndi vera þáttakandi í glæpnum (eins og vændiskonan eða Kompáss) en óvirk tálbeita myndi vera hlutlausari t.d. leggja fínum bíl í fátækra hverfi eða gera heimasíðu eins og þú talar um hjá Europool, eitthvað slíkt þar sem enginn hvatning er ( eða á ekki vera) til staðar en fylgst er með beitunni.

Ég er ekki viss um að mörkin þarna á mili séu svo mikil, því það er alltaf sami ágalli, glæpur framinn sem hefði aldrei átt sér stað og óvirka beitan yrði alltaf krydduð þar til einhver bítur á og þar tel ég vera um óbeina hvatningu til glæps en þegar um virka tálbeitu er um að ræða þá er bein hvatning sem er vissulega mun auðsýnilegri og klárari dæmi um gallan við tálbeitur.   

[Ólafur Jónsson, 30.11.2007 kl. 15:21]

Það er líka nokkuð sérstakt eins og laganeminn segir að Europool eru að fremja glæp til að stöðva glæp þ.e. með því að búa til barnakláms heimasíðu. Og ég er sammála því að þetta er ekkert betra enn dæmið sem ég sá í Cops.

[Georg P Sveinbjörnsson, 2.12.2007 kl. 14:58]

Algerlega sammála Ólafur.

[Ólafur Jónsson, 2.12.2007 kl. 15:26]

Þingmaðurinn Ágúst Ólafur berst núna hörðum höndum með því að tálbeitur verði notaðar, manni lýst ekkert á stefnu sem er í þessum málum.

Ég vill þakka fólki fyrir kommentin. ( kannski ekki skrýtið enda allir sammála mér)